成圈中人熱話
繼張家輝就馬德鐘和陳浩民疑似借醉攬錫陳嘉桓事件發聲鬧爆後，亦有不少圈中人士及網友加入討論，實行齊齊抒發意見，表達感受。
譚詠麟：
「我今朝睇報紙睇到哈哈聲，明顯地係一個飲大咗、一個嚇大咗、一個安慰緊囉，最緊要向老婆『述職』啫！（陳嘉桓報警！）要問番當事人，唔係喺佢身上打手印呀嘛？（你試過向老婆述職未？）我唔會咁易醉！（陳浩民老婆大肚壓抑太耐？）多做運動啦，舉吓啞鈴！」
羽翹：
「戥佢委屈囉！本來覺得馬德鐘是好先生，若事件屬實會失望。我嚟緊月底會去旺角搞簽名會為新碟宣傳，但唔擔心多龍友，因為我同龍友宅男熟，有啲好朋友到做咗『官方攝記』。」
黃日華：
「照顧女藝員是男性風度，關心不等於可以隨便侵犯！請徹底認清甚麼是『好客之道』！別再讓酒精『愚蠢』了自己！」
梁烈唯：
「非常同意家輝之說法，嘉桓只係細路女，孤身在異地工作，做前輩的確實應該多加照顧。」