Amanda S.赴日偷師學整甜品
Amanda S.出席美食活動時表示已品嘗過不少世界美食，而自己去旅行時亦喜歡搜購當地地道的特色食材。問到她在飲食要求方面是否奄尖？她說：「唔係，我要求唔高，我覺得如果啲材料好同埋個廚師煮得好，有用心煮，就一定好食，唔可以去投訴話啲嘢唔好食，又或者否定啲食物唔好食嘅，只可以話係自己唔鍾意食。（想唔想開餐廳？）開甜品店已經夠。」
Amanda又透露日前剛到了日本旅行三天，此行主要是向當地的甜品師傅偷師，她說：「我周圍去睇啲蛋糕店，同日本甜品師傅見面傾偈，我最鍾意喺日本，佢哋真係好細心同好有心機做甜品，佢哋做嘅法國甜品仲好過啲法國人。」