陳豪披肩傾情 戀得sweet
早前被本報踢爆在深井「行宮」和陳茵媺拍拖密會的陳豪，昨日全程甜笑，春風滿面承認現在處於半公開感情階段，更笑不攏嘴風騷大晒現在感情生活很「sweet」，加上揚言不想講反話否認，更確認雙陳進入「戀戀下」階段。
陳豪昨日一臉春風甜蜜出席活動，而陳豪母親也在場，見記者拍照即閃避。當大會送贈兩條披肩給陳豪，其中一條繡上代表陳豪洋名簡稱的M字，司儀即笑言另一條應繡上A字（陳茵媺洋名的首個字母），陳豪聞言即甜笑未有反駁，更大讚：「A字都好，A字代表高分數。」
唔想講反話
事後陳豪說會把披肩送給陳茵媺，更言曾送過甜品及咖啡給對方，那麼陳茵媺有否送過「溫暖牌」給他？陳豪說：「Good question，我都想問吓佢。（依家好似半公開？）OK啦！」
會否已和陳茵媺有共識公開戀情？陳豪說：「畀我哋約會多幾次啦！我都想低調，可惜畀你哋捉到幾次。（依家好sweet？）係o架！（感情生活好開心？）OK啦！」他續說向來低調處理感情事：「你哋問起我真係唔想講反話，盡量唔想高調處理啦！」稍後二人將合作拍劇，陳豪賣關子說：「裏面有好多嘢，總之你哋會開心。」
另外，麥包昨日出席劇集宣傳時，表示陳茵媺常來他家吃飯飲湯。至於陳豪聲稱當晚通宵留在深井麥包家是因飲酒，問到有否酒後亂性，麥包說：「佢係成年人，（成年人會做成年人嘅嘢？）只係傾偈，唔喺房。」
文：名人組