莊思華被認出警拘莊姓女子

事發於今年六月初，莊思華（Mona）與前男友、名練馬師告東尼兒子告崇恩一起到蘭桂坊夜店消遣時，有人發生爭執，期間一名姓張女子報稱遭Mona掌摑，報警求助。不過，Mona否認有襲擊對方，自己反而是當晚被掌摑的人，她亦已將事件交給律師處理。而昨日警察公共關係科就表示已正式拘捕一名姓莊女子，暫准保釋候查，下月廿一日向警方報到，案件由中區刑事調查隊跟進。

前日，警方安排Mona到警署進行認人手續，據悉Mona被案中報稱被掌摑的女子當場認出。昨日記者致電Mona了解事件，她承認前日確是到了警署進行認人手續並坦言被人認出。Mona說：「認人係咪都一定要做，係正常程序，警方都係跟程序做嘢，件案有原告有被告就要認人。（咁你係咪正式被警方拘捕？）無，拘捕咗我今日就唔可以周圍去啦。（即係唔使擔保？）唔使。（有冇話幾時要再到警署報到？）唔使返去報到。之前都係我主動聯絡警方，去提供資料畀佢哋，件事已經係羅生門事件。」

前日莊思華所到的中區警署。

左起：莊思敏、莊思明與莊思華三姊妹曝光率甚高。（資料圖片）

是否上庭查完決定

被問到會否控告對方？Mona說：「我控告緊佢，但警方話唔想混亂，處理完一單先一單，至於其他嘢依家唔方便講。（警方下一步會做咩？）唔知，佢哋尋日同我講話呢一個月內會盡力去查，上唔上庭要等查完先決定。（你擔唔擔心？）唔係太擔心，我冇做過，唔係佢講就係真。」文：名人組