陳嘉桓狂吸金想買車

人氣急升的陳嘉桓（Rose）日前被ontv追蹤隊目擊於工作後更要去跌打館治理腰傷，自從與無綫小生林峯傳緋聞後工作不斷，不少客戶紛紛向她招手，其經理人透露Rose身價已經幾級跳升至5位數字，經常邀請她出席各種活動。火速升呢兩個月內吸金六位數，雖然密密做的Rose已經周身傷，但Rose賣口乖說︰「多謝大家咁鍾意我，希望有更加多啲做啦。（賺咁多點使？）依家想考完車牌先，之後可能買車，不過唔會買樓住，儲多啲錢先！」據知有不少片商亦打Rose主意，睇中她的吸金能力，有意找她拍新片，而Rose現正洽談兩部電影，更會嘗試其他戲路。