梁詠茜改造DaDa轉型一腳踢

梁詠茜（Lillian、前名梁郁霖）當模特兒多年，近日轉型任形象設計師，她表示早有計劃，絕非一時衝動：「之前學過化妝同時裝，計劃咗模特兒唔係終生職業，咁啱同經理人傾開，佢畀機會我去做。」

陳靜一班同門師姊妹，將由梁詠茜（後排右）設計造型。

洪天明與周家蔚快將成婚，獲梁詠茜祝福。

Lillian為同門的陳靜（DaDa）等設計寫真造型，有感難度超高：「最難係借衫，要一手一腳聯絡同Fitting。有做兼職時裝調查，上網做潮流資料搜集，再畫圖畀廠造衫，平時多啲行街，吸收時裝潮流去攞靈感。」她視由模特兒轉型為形象設計師的何紫綸為目標，大讚對方網上教造型的片段大受歡迎。

祝天明連生貴子

問到其舊愛洪天明快將與周家蔚拉埋天窗，Lillian可有結婚衝動？她說：「睇報道知道佢結婚，但我冇因為咁有衝動結婚，依家專心工作，想做好形象設計師呢個新工作，打穩基礎先。」

至於天明有否請她飲？她說：「唔會啦，好耐冇聯絡。」雖然Lillian未必在喜宴受邀之列，但她仍大方祝福對方：「祝佢連生貴子啦！」

文：專案組

攝：沈健程 場地：La Belle