啤梨生日騷請傅穎唔預Linah
歌手葉文輝（啤梨）將於六月五日牛一假中環舉行一場「That's Love Barry Mini Live Show」，與歌迷聚會，順便慶祝生日。原來啤梨已經有兩年冇搞過歌迷聚會，而這個音樂會本應在兩年前舉行，但唱片公司同事太忙才一拖再拖。他自言為免歌迷再久候，又怕會令歌迷走晒，所以惟有親自籌備今次音樂會。
問他可有邀請一眾緋聞女友如日模松岡李那（Linah）、霍啟剛前緋聞女友趙彤及傅穎，他表示：「同松岡李那好耐冇聯絡囉，（因為佢拒絕過你？）唔關事，只係佢好忙，佢講日文，都同我啲朋友溝通唔到啦，趙彤同傅穎都請，睇吓佢哋有冇時間。」啤梨又說現時尚未遇上真命女友，可能和他不愛蒲有關，但他又覺得只要有事業，自然會結識到新對象。