Mr.大蛻變滾入紅館

樂隊Mr.獲處男唱贊助商可口可樂再度支持，並邀請他們擔任新廣告及網上遊戲短片主角，發動搖滾魅力。當中主音Alan（布志綸）飾演狂躁少年，為尋找新靈感而煩惱，引發眾人「尖叫」聲支援，未開騷先與樂迷大搞互動。首次參與拍攝短片，Alan表現興奮又自嘲性格似足角色，他笑謂自己應該有少少精神分裂，因此投入角色不算太難，可能有導演睇完廣告會找他們拍戲咁話。

Alan首次為隊伍填詞，自言感覺良好。

Tom是Mr.「御用」攝影師。

回望一年間，Mr.經歷不同改變，在音樂以外，5子的私生活亦嘗過喜怒哀樂，由Alan因護花捲入桃色糾紛、MJ與女友卓韻芝分手、Dash孖生細佬迎娶DJ朱薰等等，所有事亦成為他們邁向新方向的動力與靈感，Dash說：「細佬一直都好支持我哋，依家佢結埋婚，生仔嗰啲可以交畀佢喇，我可以全情投入工作喇。」Alan亦言經歷令他們成長，他說：「所有嘢都係一個過程，係成長經過，同埋大部分時間我哋都匿埋造音樂，有壓力都透過音樂發洩晒出嚟啦。」

記錄修行成果

Mr.同時以行動證明鍛煉成果，除了Tom拿起攝錄機拍下Mr.點滴外，Alan亦首次參與大碟的填詞。他指由自己作詞始終最有感覺，好似自己說話似的。他又指Tom最多鬼馬嘢，佢將會負責將Mr.生活拍低，仲會自己剪埋片，放喺碟入面，等樂迷睇到Mr.更真實一面。至於MJ就透露正計劃出書做才子。

文：音樂組　攝：秦健輝