葉山豪千萬男星冧盡同志
日籍男演員葉山豪（Hiro）自拍完話題電影《3D肉蒲團之極樂寶鑑》後，除多了女粉絲外，還成功吸納不少同志粉絲，他更曾被同志朋友示愛，令他意想不到。
葉山豪有份擔演的《3D肉蒲團之極樂寶鑑》票房理想，而片中幾位女角，早前更飛赴法國康城影展，參與宣傳工作。對於電影焦點落在女主角身上，Hiro表示毫不介意，他大方說：「其實都預咗，套戲梗係宣傳女角多，如果重點落喺我身上，驚人會冇興趣。（千萬男星？）哈哈，都算係，可以叨下光﹗」
想演精神分裂
Hiro直言從沒想過憑該戲一炮而紅，他說：「我希望一部一部戲咁嚟，我怕愈快上位跌得愈快。（多咗粉絲？）咁都係，可能戲中書生造型成功，除女fans外，仲有gay fans，不過佢哋知我唔係gay，但仍有男士留言話『如果你係我男朋友就好。』」Hiro表示不擔心被定型為三級男星，他說：「我仲有好多角色想演，好似精神分裂。（想合作嘅演員？）都有好多，好似葛優同姜文。」
老婆未睇床戲
已婚兼育有一對仔女的Hiro表示，老婆至今仍未看其「肉搏戰」，他笑稱：「可能佢想一個人睇。（話畀小朋友聽你拍三級片？）等佢哋長大先啦。」由於太太居於日本，而他則定居香港，問到如何維繫夫妻感情？他說：「每日都打電話畀老婆，有時話畀佢聽我唔喺香港，去其他地方做嘢，等佢唔使咁擔心。」
採訪、攝影：戶冊平 場地：DNA@中環