陳自瑤做林峯女友觸電

無綫藝人陳自瑤在新劇《花花世界花家姐》中飾演林峯的女友，更有機會與佘詩曼合作，她首先感激監製關永忠的賞識，讓她有機會演出這個有發揮的角色。而與型男林峯首次合作便飾演情侶，她表示既驚又喜，並說：「佢風靡萬千少女，拍之前同佢唔熟都怕會尷尬，點知第一日合作就覺得佢好有紳士風度，我有嘢唔明都會教我。佢對眼好迷人，成日不經意畀佢電親。」劇中一場戲她需要吻向林峯臉部，問到會否擔心引起對方粉絲不滿，她說：「應該唔會嘅，粉絲應該明白工作同現實係分得開嘅。」

不再局限角色

長得娃娃臉的陳自瑤，幾經辛苦才擺脫o靚妹的味道，希望可以在幕前演出更多不同類型角色，不再被局限，她說：「好開心好耐再冇做人哋個妹、冇人再搵我扮學生妹。我希望可以畀人感覺成熟啲。」即將投入拍攝的新劇《樂府藏龍》，她飾演馬賽的家姐，她說：「終於唔使再做妹妹嘞，劇入面我需要跳舞，拍攝前要花好長時間去練舞，我啲筋骨唔算軟，所以對我嚟講都幾辛苦，花咗好多時間去克服，希望大家滿意我個演出。」

文：影視組