鄧穎芝亂出煮意勝在健康
鄧穎芝（Vangie）為證明80後力量，身體力行到茶餐廳做打雜，踩5吋高踭鞋殺入廚房親手炮製健康食品予電台好友享用，結果因誤打誤撞少落鹽，被讚菜式健康。
身為80後的Vangie，對於同輩經常被標籤為欠缺上進心、滿肚怨言，她誓以行動平反，參與電台節目《有冇搞錯》中《我要做得到》環節，與主持人彭詠儀（Morle）踩入茶餐廳由低做起，變身全能打雜。Vangie說：「可能好多人一聽到茶餐廳工作就覺得會好辛苦，亦唔會係80後首選工作，但我一直覺得職業應該無分貴賤，正所謂行行出狀元。」
着高踭鞋有危險
甚少下廚的Vangie與Morle首項挑戰是炮製西多士，及後又為DJ好友蒙為亮及尹紫龍炮製乾炒牛河。她說：「其實係落少咗鹽，不過佢哋話咁樣夠健康，誤打誤撞之下過咗關。」雖然在煮食上過關，但Vangie對自己要求相當嚴格，更為穿上5吋高踭鞋自責。她謂：「真係一個好錯誤嘅示範，其實係好危險，仲有幾次差啲跣低，我惟有全程係咁捉住Morle囉。」
朋友聚會親下廚
經過一輪實戰後，Vangie不但未覺辛苦，還對入廚產生興趣。問到會否在不久將來為緋聞男友組合EO2成員Eric下廚？她說：「今次個個都讚好，畀咗好大信心我，可能遲下朋友聚會都會試吓自己整啦。（叫埋Eric？）咁佢都係我好朋友，如果佢唔怕肚痛咪食囉！」
文：陳寶