李駿宇唱出幕前
樂壇新人李駿宇（Edward）推出處男新歌《腦袋拒載》，找來好朋友為他填詞，他表示新碟《Painting on Silence》有十二首歌曲，其中九首是自己的作品，結合不少著名幕後人的編曲，令他事半功倍，Edward說：「可能大家對我把聲唔會好陌生，我幫李克勤、陳奕迅、Mr.等等做過合唱，又幫林峯其中一首歌《原罪》入面Rap過，不過今次同唱Demo個感覺好唔同，因為啲歌係自己創作，希望可以憑自己感覺去唱到最好！」
Edward坦言好友吳浩康、張敬軒等都有問他新碟的進度，又教他好多唱歌技巧，他說：「大家都會畀好多意見我，軒仔教我用多啲英文歌詞，咁樣歌詞會容易啲上口，希望六月出碟可以送隻畀佢哋答謝！」