HotCha超市掃貨借貴利找數
HotCha早前到加拿大義演時，抽空到當地最大型的超級市場享受購物樂，眼見所有貨品都超巨型，三女笑言如置身巨人國，由於買得太瘋狂，發現不夠加幣，結果要向工作人員「借貴利」找數。
HotCha雖然面臨重組的人事變動，但工作照舊，早前三女和曾志偉到加拿大演出慈善騷，由於騷後只有兩小時空檔，不夠時間遊名勝，故三女退而求其次，選擇到酒店鄰近的最大型超市購物。成員Regen表示：「原來外國嘅超市同香港好唔同o架，成個貨倉咁大，裏面乜都有得賣，連單車、露營帳幕都有，兼且全部都好巨型，覺得好新奇，睇見都好開心呀。」
開西瓜派對
Winkie自言面前所有貨品都超巨型，猶如置身巨人國，她買了巨肉腸，可是Crystal就笑她的腸如「一pat屎」，而為食的Crystal就主攻零食，狂掃大堆香港沒有的朱古力、糖果及薯片等：Regen就想買單車，可是因搬運困難，結果打消念頭。當她們途經生果區時，Winkie就被一個比她頭更大size的西瓜吸引，死嚷着要買回酒店開西瓜派對，經過個多小時的瘋狂「擸貨」後，付款時她們才知不夠加幣，惟有厚顏地向同行的唱片公司「借貴利」找數。
搬到成身散
除缺錢外，HotCha離開超市時又遇上另一難題，Winkie說：「原來加拿大買嘢係冇膠袋，我哋三女一男睇住成車嘢都『O晒嘴』，唔知點搬走，最終惟有逐啲逐啲抬上車再抬返酒店房，搬咗幾轉後，大家成身散晒。」
文：音樂組