江若琳嫁完夢幻婚禮破滅
江若琳（Elanne）早前到檳城與阿牛合作拍戲，與工作人員打成一片的她在新片臨煞科時大嘆捨不得，更被阿牛弄得淚如雨下，她坦言拍完此片改變了她原本想擁有夢幻婚禮的想法，有個簡單而隆重的婚禮就好。
Elanne跟阿牛在檳城合拍新片《結婚那件事》，在當地逗留了一個月的她與劇組人員建立了一定的感情，當影片要煞科時令她十分捨不得，更於煞科前一晚跟助手嚷着不想回港。當Elanne完成最後一個鏡頭後，工作人員獻上鮮花再加上阿牛的感動說話，Elanne感動得哭了出來。
咬導演一啖
平復心情後Elanne更興奮得自隊香檳，還與阿牛一同咬導演手臂，原來這是他們為「感謝」導演對他倆的照顧相約這樣做，阿牛還笑言怕Elanne醉後會忘掉此約定！Elanne則說：「我從來未試過咁唔捨得收工，當導演同我講我拍完晒所有戲份可以收工，嗰一刻我真係好唔捨得。今次真係好多謝導演、阿牛、紅姐（惠英紅）同成班劇組喺呢段時間對我嘅照顧，好開心自己可以參演部戲，希望將來大家再有機會合作。」
結婚好鬼煩
因參與這部電影，Elanne笑言改變了她對婚姻的睇法：「以前我一直都想有個夢幻式婚禮，拍完部戲後，發覺結婚好煩，因為並唔係兩個人嘅事，而係兩家人嘅事，當中要煩嘅嘢真係好多，諗起都怕怕，所以如果可以嘅話將來希望舉行一個簡單而隆重嘅婚禮就得了。」
文：影視組