羅霖唔阻乖仔入行
羅霖為有線節目《我的父親母親》擔任嘉賓，接受陳啟泰的訪問，她表示一生人逗留最多的地方是機場，又指當空姐的六年，是她一生中最無憂無慮的日子。不過，當年參加亞姐她曾經想過退選，她說：「當時喺西班牙拍外景，人生第一次着三點式，仲要喺公園拍攝，我覺得好難受，打電話畀阿媽講我想退出，但媽咪勸我做人要有堅持。」
羅霖對母親讚不絕口，笑言自己只遺傳了媽咪六成，遺傳不了她的溫柔、耐性及堅忍。母親在羅霖十多歲時患上乳癌，不但沒有呻過半句，反而安慰羅霖不要擔心，她慶幸母親渡過難關，現時還很健康。
談及大仔時，羅霖說：「早兩年佢話想做醫生，我好開心，點知最近佢又想做歌星，嚇我一驚。（會唔會阻撓兒子入娛圈？）由得佢自己揀，我已經同佢講清楚佢唔適合娛樂圈。」