黃浩徐淑敏唔認自殺解畫牽強

曾參選港姐的徐淑敏（Suki），○九年十一月嫁給從商的黃浩，去年誕下女兒黃心瑤，最近又再度懷孕。正當大家覺得Suki生活美滿之際，前晚突然傳出她自殺消息，同時亦有指真正自殺的人是黃浩。

做睡眠測試

黃浩從商前曾任經理人，亦是藝人于莉的表弟。近期黃浩可謂頭頭碰着黑，日本大地震令其經營的日本料理店生意大受影響，上月初，黃浩父親黃文霖因病離世，故此前晚傳他因掛念亡父而自殺。

前晚傳媒不斷致電黃浩與Suki，但黃浩沒有正面回應，只以短訊回覆一切OK，因身在醫院不便覆電話。而徐淑敏則澄清無人自殺，丈夫只作身體檢查。

直至昨日，黃浩出院後接受電話訪問，將入院經過及被傳自殺的消息作出澄清，但內容有點牽強。他謂：「之前件事（指爸爸離世）我仲好唔開心，呢排成日都瞓唔到，每晚都飲幾支酒先瞓得。醫生唔主張我食安眠藥，就叫我做一個睡眠測試。（點解咁夜去做身體檢查？）尋晚（前晚）成家人食飯期間，收到醫院打嚟話有床，咁我咪即刻入去，乜都冇帶呀！咁啱Suki又冇嘢做，咪陪我一齊去。可能佢曾經瞓過我張病床，所以傳埋佢自殺啦！（會唔會追究邊個放料？）唔會，得啖笑，依家學識睇化啲。」他又稱稍後會與老婆到馬爾代夫旅行散心。

做藝人預咗

提到正懷孕的Suki被傳自殺，會否感到不開心？黃浩稱：「咁又冇，佢做藝人，預咗好多嘢都會畀人寫。」

文：影視組