洪卓立花釀少年撐住Chok

阿Ken於今日推出第六張專輯《透視》，唱片公司為隆重其事將大灑金錢宣傳，還邀得星級人馬操刀拍攝唱片封套，設計師為給歌迷新鮮感特別為Ken度身設計「花樣少年」造型，找來數十種鮮花放在Ken肩頭上，並不時在鮮花上噴水，搞到Ken滿面水點，見到工作人員手持噴水槍即說：「又係時間保鮮。」

扛８磅重鮮花

撐住八磅重鮮花的Ken被要求擺出不同Chok樣，他說：「都幾辛苦，不過出嚟效果靚，幾辛苦都值得。」敬業樂業的Ken坦言採用鮮花是有含意，他解釋說：「寓意我遇上風吹雨打，都好似鮮花咁茁壯成長。」雖然Ken給人感覺斯文有禮，但在拍攝現場卻勁搞爛Gag，將「花樣少年」形容為「花釀少年」，引得全場捧腹大笑。

肩膊撐住八磅重鮮花的洪卓立，不停擺Chok樣。

洪卓立的新碟內有多首歌曲均提及感情事。

湯怡唔係女友

另外，Ken昨日出席電台訪問時透露新碟內多首歌曲均提及感情事，問到女主角是否緋聞女友湯怡？有口難言的Ken尷尬拉開話題說：「男主角唔係我。」並澄清與對方只是同事及朋友關係，他說：「我冇拍拖。（有冇帶湯怡畀媽咪見？）冇，公司咁多人。」記者提議他可追同公司的鍾舒漫，Ken自爆因與對方信仰不同，故很難發展成情侶，他說：「最好可以志同道合。」

採訪：音樂組