Marie忙到發燒「老公」心痛

嫁人在即的諸葛梓岐前晚以貴賓身份出席全新保時捷911 Speedster預覽酒會，身穿BCBG閃片連身短裙的她力騷美腿，但同場的名模Ana R.身穿綠色halter dress，勁騷白滑鎖骨與玉背，胸部線條盡現，養眼度十足，大搶風頭。

台灣工作安排探班

騷後，Marie坦言毫不介意風頭被搶，還大讚對方很美：「佢着得好靚，條裙顏色好sharp，而且佢身材好好！」問到有否膽量穿得如此性感時，她笑說都會，當記者打趣問「老公」薛嘉麟會否批准性感？她打趣地說：「靚咪得！（「老公」唔怕你被睇蝕？）其實係媽咪唔鍾意，覺得我唔應該去到咁盡、咁性感，但我一向唔尊重家人。」

前晚帶病上陣的Marie，表示近日常周圍飛結果發燒，問其「老公」是否心痛？她直說：「佢唔明我點解咁積極，不過我覺得有機會就試。（老公有冇叫你唔好做？）呢個係價值觀問題，我有理想、有自己想法，佢見到我心痛之餘，亦怕畀我媽咪詐型。（怪佢照顧不周？）係！佢都好擔心我。」她又表示會到台灣工作一個月，坦言已叫老公來探班。

Ana R.的超Deep V晚裝裙艷驚四座。

大露背的Ana R.與在場嘉賓大談車經。

父母御准才收名車

此外，露前又露後的Ana R.表示已黐上膠紙，做足安全措施防走光，又坦言該名車是自己的dream car，若要擁有要加倍工作，記者笑言有人送贈會否接受？她說：「都好，反正我都買唔起，不過都要我媽咪同爹哋話OK先接受。」

文：名人組