Alice B.下巴縫三針恐破相
「第四代Canon女」Alice B.自爆兩星期前左腳受傷，故十分擔心影響走鞋騷的表現；她又謂小時候曾跌破下巴要縫三針，當時更擔心會否破相，怕長大後當不成模特兒呢！
昨日模特兒Alice B.、「翻版關之琳」Jocelyn和Melanie一同出席塗鴉藝術展，其中Alice透露兩周前弄傷左腳，她說：「兩星期前左腳拗柴，雖然已經睇咗醫生，但都擔心行鞋騷，希望快啲冇事啦！」她又稱幸好未試過十分嚴重的受傷，只是九歲時在新西蘭曾發生小意外，她說：「嗰陣同姐姐喺新西蘭海灘玩，突然唔小心跌倒，左邊下巴仲仆落舊石度，搞到流血要入院縫三針，當時仲感覺好暈！不過我好彩冇試過斷骨或骨折。」
想唱歌加演戲
此外，Alice表示五月尾將會到泰國和哥哥慶祝生日，她自爆哥哥是當地藝人，既演戲亦是歌手，自己亦想作多方面嘗試，她說：「其實我都好鍾意演戲，今年都想唱歌，但唔係想做歌手，亦唔係為咗出碟賺錢，只係為興趣。如果真係有機會出碟，希望會唱英文歌先；其實我好鍾意音樂，以前喺英國都有寫歌。」
同場的Jocelyn則笑言讀書時曾在校園畫塗鴉，寫上心愛的人名字，現在長大了，只會在家附近範圍才畫塗鴉，不會弄污糟人家的地方。
文：名人組