王力宏愛火蔓延 劉亦菲陪過七夕

Leehom昨晚為新碟《十八般武藝》假台北圓山大飯店舉行盛大發布會，邀請全亞洲近百傳媒到場採訪，適逢首次執導的電影《戀愛通告》正式上畫，雙喜臨門的Leehom以紅色格仔西裝褸上陣，而黑色西褲上的敏感位置及雙膝有T字形的圖案，認真鬼馬，他在台上化身為指揮家，帶領樂隊即場演繹三首新歌，搞到「香汗淋漓」，連男歌迷都禁不住在台下大叫「我愛你」！

成創作靈感

Leehom以流利廣東話接受香港傳媒訪問，他坦言拍攝電影非常辛苦，令他近日清減不少，他說：「知道大家好鍾意我嘅作品，我都好開心，其實我已經寫好下一個新劇本，不過未必咁快開拍住。」Leehom透露已有一年多時間沒有「戀愛通告」，今年的七夕情人節將會到上海及北京宣傳電影，相信跟女主角劉亦菲一齊度過，他笑言：「呢部係套好冧嘅電影，我同劉亦菲係好朋友，同佢一齊宣傳特別浪漫，（火花？）戲入面梗係會，好自然，佢仲獻咗螢幕初吻畀我，（發展？）戲外只係好朋友，大家都好專業，我一定會送隻碟畀佢，因為入面好多歌都係佢畀靈感我！」

望睇齊李安

Leehom拍電影比出唱片辛苦得多，希望將來電影成就能夠跟李安導演、成龍等看齊，問到會否擔心再次掀起買榜的話題，他說：「習慣咗，是但啦，成績好就得啦！」