天生大波真係得天獨厚，但大唔代表大晒，做人要留有餘地，否則好易被人杯葛。好似脫星Maliyah Madison咁，正因為自己有對天然DD Cup巨乳，同姊妹合作就打橫行，仲出言聲討「假大胸」，結果搞到神憎鬼厭，呢啲咪叫自己攞嚟衰囉！
四仔講求群體合作，加上呢期女同片當道，脫星間好多機會合作。而美國脫星Maliyah Madison本來大有機會更上一層樓，奈何阿妹性格臭檔，加上把口唔係咁好，被同行封為孤獨精。但凡有佢演出嘅作品，其他脫星都齊齊Say no，情願賺少啲都唔想死細胞咁話！
至於Maliyah Madison有乜惡行要畀外界咁抵制佢？原來係因為胸前兩舊肉。其實當事人身材唔算逼爆，純粹32DD上圍，但勝在純天然，加上佢只得21歲，入世未深難免口臭，前輩理應原諒呢位小妹妹，奈何當事人反要求其他脫星唔好埋佢身至真！
本來事件告一段落，但好衰唔衰，Maliyah Madison不但冇悔意，更喺成人雜誌訪問時口出狂言，認為從此有需要將真假波分級，張貼於四仔封套外，有如本地嘅營養標籤，等消費者可以清楚選擇喜好，唔好買錯貨返屋企揼心口喎！
阿妹話：「將脫星分等級至係專業嘅做法，你睇現時阿豬阿狗都可以稱為脫星，令四仔質素非常參差，最終只會拖垮行業發展，所以我認為行內有需要加強監管，標籤內應有脫星真實歲數、身高、詳盡三圍，以及有否整容及隆胸等，好讓消費者更了解，咁做反而對四仔銷情會有正面幫助！」Maliyah Madison青春無敵當然語出驚人冇有怕啦！之不過一眾中女脫星若然跟足你咁玩，想唔提早引退都幾難，到時四仔界仲有邊個可以留低呀？
出生日期：1989年10月3日
三圍：32DD、24、35
身高：5呎5吋
撰文：祖