許志安原來鍾意唱歌外，近年又愛上攝影，在朋友的推介下，安仔花了數千元買了一部「傻瓜機」。他說：「有次我突然想記低眼前嘅得意嘢，所以咪想買部相機影低囉，我都係影埋啲覺得有趣嘅嘢，好似風景，生果咁，影咗幾次後，人人都讚我影得靚，誇啲講，簡直有大師級效果喎，哈哈！」
安仔自豪地展示了近十張作品，除有自拍照外，還有幫好友蘇永康影了幾張靚仔相。安仔指住康仔啲相說：「康仔話影得好喎，佢仲問我可唔可以畀佢做唱片封面相添，搞到我好有滿足感。」不過安仔謙說影相只是玩票性質，故不會再斥資買較專業的單鏡反光機，因為嫌太大太重，兼且攜帶不便。
