William前晚為新碟《Warrior戰士》宣傳，以一身型仔打扮現身旺角，大批歌迷一早到場等候為偶像打氣。在宣傳海報上，William拋胸露點上陣，大晒fit到漏身形，他說：「本來係想要封面做海報，不過靚模當造，自己決定為男士界示威，企出來！」William更自封「Ｗ級」光明正大露點展魅力，笑言：「有啲（露點）係唔小心搵到！」未知是否有弦外之音，暗寸周秀娜寫真集中出現疑似「露暈」照。

陳偉霆在海報中拋胸露點，自言有「Ｗ級」。 （資料圖片）	陳偉霆力撐Baby是潮模。	陳偉霆為新碟宣傳，獲大批歌迷打氣。

檔期密脾氣躁

William透露最近忙於綵排與狄易達合作的拉闊音樂會及拍ＭＶ，而且要花時間做健身保持最佳狀態，期表排得密密麻麻，脾氣進入「火山區」間歇性忽然暴躁，但他堅稱未有向好友發脾氣，皆因連見面機會也沒有，亦未有收到投訴，他說：「冇得投訴，我個個都影印份期表畀佢哋，攝到就攝囉！」

撐Baby係潮模

未能抽空到書展支持Baby寫真集的William，對於網上出現反靚模群組，他表示不擔心Baby安全：「人會大，佢都做咗幾年啦，自己覺得佢唔係靚模，我哋朋友之間都叫佢『潮模』。（Baby都係咁講喎，夾口供？）唔係，之前我哋一齊拍手錶廣告，佢都有啲擔心，我仲話佢『你仲想當自己係G模呀？』」問到William會否以碟換寫真，他說：「自己會買佢嘅寫真，碟都會叫佢自己買。」

文：音樂組