梁詠琪（GiGi）由廣州趕返港為無綫節目錄影，問到她結婚傳聞，她即時否認：「呢啲嘢冇得計劃，總之唔好太老生仔囉！驚辛苦。（見陳慧琳咁幸福唔羨慕咩？）羨慕！但每個人人生計劃唔同。」問她會否生仔才結婚，她坦言不會：「嚇死人咩！我會按部就班 ，（依家法國男友ＯＫ？）再觀察耐啲先，都拍咗幾年拖，我同家人都唔心急。」問對方是否已多次求婚，她表示曾經提及：「佢梗係冇所謂啦！但我唔想太草率，呢啲嘢冇得返轉頭。」
另外，同場的徐淑敏日前到新加坡旅行，酒店玻璃門突然爆破，幸而沒受傷。問她有否艷遇，她說：「冇，不過師傅話我氣色好，佢話我生日前會有姻緣，依家有人追，但自己唔鍾意。」
