本文重點
近日反靚模潮愈炒愈熱，鍾蕙芝（Lavina）、胡心諾（Rainbow）昨日無懼三號颱風，在拿着「性感無罪」紙牌的fans陪同下，直踩銅鑼灣測試自己是否真的如傳聞所指犯眾憎。經過了一輪街頭訪問，發現大部分市民對Lavina及Rainbow均反應正面，其中一位自稱在荷里活從事電影製作的Jerry，大讚二人是可造之材，更力撐寫真集絕無賣弄性感。另一對名為Arthur及Christina的情侶，則直指周秀娜與Kama行為比Lavina更過火：「我覺得周秀娜刷牙刷到咁，又着比堅尼過馬路，意識仲不良，Kama半裸沖涼相都好有問題。」
連日來備受抨擊的Lavina，眼見市民如此支持，一度在鬧市激動落淚。曾為負面批評失眠的她，揚言有數度退出娛樂圈的衝動：「有時真係諗不如退出算數，我又唔係做啲咩不道德交易，我接job唔會問性唔性感，因為我始終係新人，乜都要做。」Lavina表示經過這次街頭測試後，終可放下心頭大石。
昨晚黃秋生與太太shopping剛巧路過，記者上前問他對靚模睇法，他笑言：「着到咁，梗有人望啦！」
Isaac不忿被擺上枱
此外，已退出「反靚模聯盟組織」的搞手張振海（Isaac），昨日澄清自己一直以來並非反靚模，他稱昨日有報道內容扭曲事實，他說：「我見Lavina之前同之後嘅立場都係冇分別，我嘅矛頭唔係任何一位靚模，而係貿發局，因為書展安排失當。啲網友睇完報道對我有誤解，話我係鹹濕仔，我覺得畀人擺上枱。我有女友，點會對Lavina有興趣。」另外，由他發起的組織「與道德塔利班割裂！我們理性和包容地向書展提出抗議」，昨日在城大舉行第二次會議，研究書展當日靜坐細節。會後張振海透露決定當日不派貼紙，改發五千張宣傳單張，並正邀請文化界人士來演講。