日前周秀娜向外發放一批噴血寫真相，卻惹來不少風波，趙碩之批評Chrissie影刷牙和食雪糕相，把牙膏和雪糕滴落心口，有教壞細路之嫌。昨日Chrissie堅持己見，並指影寫真集目的是留為紀念，擺明向碩之隔空開火！

趙碩之連串衰多口，引來不滿。

師妹出書，趙碩之坦言未必會捧場。

暗示公司放料

Chrissie句句有骨指自己並非出教科書，火藥味十足，她說：「今次影寫真係作為留念，等第日可以睇番，只係想啲相靚，同埋呢本係寫真集唔係教科書，唔會教人哋食雪糕同刷牙！」

趙碩之和師妹尹蓁晞（Yumi）及姚樂怡前晚出席時裝騷活動，對於Yumi被刊出寫真集走光相，碩之似乎「唔識性」暗示公司放料，她說：「我覺得靚模已經變質，有時宣傳同周刊影啲相太性感，over咗，（邊個over？）好似Yumi同Melody，為咗宣傳公司攞啲相出嚟，（佢哋唔開心？）佢哋一定有少少委屈，我好心痛。」身旁經理人即時提點：「真係外洩！」此時才醒覺失言的碩之，立即補鑊說：「唔好意思，係誤會，係我搞錯咗。」問到稍後會否到書展捧Yumi場，她冷淡地說：「睇公司安排，或者當日我都好多嘢做，（買書支持？）唔買，會問公司攞。」

Yumi（右三）雖然出道日子尚淺，但與一眾模特兒行騷毫不輸蝕。	Yumi為安全起見，出書當日會加強保安。	姚樂怡爆炸頭行騷，極為搶眼。

10個保安護駕

而Yumi承認影寫真時已知某些角度會走光，但沒想到照片會流出，她已叫公司刪走全部走光相，她說：「我唔想令人覺得我好開放同暴露。」對於反靚模行動來勢洶湧，Yumi直言出書當日會加強保安，她說：「本來請咗6個保安，依家加到10個。（着咩衫？）夏日得來有少少性感，（反口唔認自己係靚模？）後生都係叫靚模，我唔介意。」

文：專案組