隨着近年喜愛中性打扮，阿詩的感情世界一直被指轉投同性方向。04年阿詩與當年同公司的傅穎過從甚密，更被拍到夜訪傅穎香閨，當時阿詩面對緋聞雖不敢承認，但指同性戀非大不了的事情。而近年阿詩與天后級的容祖兒友情要好，經常被拍到一起撐枱腳，令兩人變成「緋聞密友」關係。阿詩的性取向最近亦逐漸變開放，她曾說：「以前驚畀人影到會避忌，依家一把年紀，仲介意嚟做乜，乜都寫過晒啦。」

阿詩直認自己同性戀後，森美即時嚇呆。	阿詩與祖兒相當老友，兩人更經常不避嫌「打情罵俏」。（資料圖片）	傅穎曾與阿詩過從甚密，但她未獲阿詩承認二人的緋聞。

觀眾嘩聲四起

雖然阿詩的「同性緋聞」甚得歌迷受落，但卻未敢親口直認。不過昨日阿詩以嘉賓身份出席森美和陳志雲主持的《十人巷》第三回戶外宣傳時，三人以抽籤方式示範應對傳媒的尖銳問題，當森美揭開信封後，不禁大笑問阿詩：「傳聞你係同性戀喎，咁係唔係？」阿詩竟不加思索爽快答道：「係呀，答完！」阿詩公然直認，森美嚇得震驚「O嘴」，現場觀眾嘩聲四起。阿詩為緩和氣氛補飛說︰「遊戲嚟之嘛。」更笑森美：「你好驚喎，口都震晒嘅！」之後陳志雲又問阿詩可想做唱片公司老闆的「Honey」，阿詩笑言：「我願意，人哋都唔願意啦，世界咁多選擇，何必揀我呢！」

對於在台上公開承認同性戀，阿詩在台下表示：「玩遊戲都要認真對待，而呢個問題問咗我好多年，每次都係咁答，今次想畀新鮮感大家啫！」再追問是否同性戀者？阿詩謂：「呢個年代，呢個問題已經唔係乜嘢題材，同性戀冇乜大不了，你依家鍾意男仔，唔代表你二、三十年後唔鍾意女仔囉！」阿詩表示她答案真假不重要，反正大家心目中已有自己的答案。

黃偉文與林一峰都撐阿詩公開自己的性取向。 （資料圖片）

放大圖片

好友出言力撐

至於阿詩的圈中好友Wyman（黃偉文）和林一峰都是少數勇於承認「斷背」的藝人，對於阿詩直認是「女同志」，Wyman力撐阿詩：「喺任何情況下我都會愛佢。（阿詩好勇敢？）我要睇吓咩情況佢係點答先，總之作為佢好朋友，喺任何情況下都係愛佢，愛埋佢身邊嗰個。」而一峰則瀟灑說：「Why not！」相反與阿詩傳緋聞的容祖兒和傅穎，兩人的唱片公司則不作回應。

昨日雖然阿詩承認同性戀，活動現場卻有市民為陳志雲「贈興」大喊：「陳志雲係基佬！」大方的陳志雲表示「聽唔到」，指香港有言論自由，不會為此不開心。

文：音樂組