本文重點
朱慧敏最近以六位數字酬勞擔任美容院代言人一年，昨日以三點式泳裝上陣拍攝硬照廣告，穿上金屬色泳衣的她盡展苗條身材及44吋長腿，十分誘人。
朱慧敏昨日以不同造型包括晚裝、沙灘裝和泳裝等為纖體公司The Beauty雪纖瘦拍攝廣告，雖然要拍攝三點式泳裝鏡頭，但朱慧敏拍攝前仍沒有忍口照吃可也，問朱慧敏不擔心吃完東西拍攝會有小肚腩嗎？她說：「唔會有肚腩，今日都一路食一路拍，纖體公司亦冇阻止，佢哋希望將做完療程之後嘅真實效果帶畀觀眾，唔係話靠節食減肥，好快體重就會反彈。」
勻稱拒豐胸
穿上一套金屬色三點式泳衣的朱慧敏，盡展其fit到漏的身形，她更不時轉換婀娜甫士，展示其最煞食的44吋長腿，十分誘人。問到朱慧敏穿三點式拍攝有沒有緊張？她說：「因為拍《珠光寶氣》嗰陣都着過三點式，以為唔會緊張，但係着泳衣嗰陣就開始戰戰兢兢，擔心自己會唔會有啲多餘脂肪，自己希望畀人一個身材好firm嘅感覺。」問她有沒有考慮豐胸「升Cup」？她說：「我好滿意自己嘅身材，覺得最重要係勻稱。」
文：影視組