撰文：賢
有味格局
每次去到廟街，大家除咗見到大大小小售賣各式貨物嘅檔口之外，仲可以見到幫人占卦算命嘅檔口。而算命嘅方法一般都係睇面相、睇掌、計算時辰八字、擲金錢、查三世書等等，然後由算命師傅解釋閣下所求之事，以及講解條命生成點，所以算命師傅個檔口設備不多，全憑師傅嘅深厚功力，甚至可以話有把口就可以開檔。
喺日本，要占卜算命就相對有規模少少，至少都會有個舖頭。最近被人發現嘅一間占卜店，亦都係以類似形式經營，但係入面嘅女占卜師就一啲都唔普通，因為佢只接男客人，而所用嘅占卜方法，就係一邊同客人交歡，一邊感應客人嘅命運！呢間占卜店位於日本新潟，走進店內可以發現內裏格局頗有特「色」，因為入面燈光灰暗，好似以前香港嘅魚蛋檔一樣，仲播放住曖昧嘅音樂，同時可以聞到一陣又一陣傳說有催情作用嘅玫瑰香薰味，令每一個客人不單止覺得心曠神怡，仲會覺得心花怒放，若果唔知仲以為係色情架步添！
事先淨身
要幫襯呢間占卜店都唔係咁簡單，因為占卜店太受歡迎，需要預早一個星期預約，咁先可以成功見到化名遠野，年約四十歲嘅嘅女占卜師。到達預約日子，客人會由占卜師助手引領內進，不過內進之後第一件事並唔係見遠野，而係要先去沖個涼，將全身沖洗乾淨，據聞咁樣可以洗淨客人身上嘅一切雜念，占卜都會準好多，同時亦方便往後女占卜師進行占算。
洗完白白之後，客人就可以入去見遠野喇！呢個時候，客人就可以向遠野問及想知道嘅事情，例如「我喺邊度可以搵到女朋友呢？」又或者「我幾時先可以中彩票呢？」問完之後，遠野絕對唔會幫大家用水晶球或者塔羅牌占算，反而係要求客人除咗條褲，然後遠野會伸出一雙玉手細意檢查一番。一邊檢查，遠野就會一邊閉起雙眼，用獨特嘅感應幫客人算出所問之事嘅答案！不過首要條件係客人產生多少生理反應先得。咁特別嘅占算方法，相信全世界只有遠野一個採用喇！
深入探討
經過初步嘅感應之後，客人想知道嘅事情應該都已經有初步答案，不過人往往都係貪心，所以得一想二嘅客人一定會追問更深入嘅資料，而且遠野雖然已經係中女一名，但係根據曾經幫襯過嘅客人所講，遠野都算係風韻猶存，絕對唔係一般肥師奶型中女，所以聽到遠野話：「想再了解更深入嘅答案，麻煩你同我交歡一次啦！」，好多已經如箭在弦嘅男人根本就把持不住！
此時，遠野會除晒身上嘅衫，然後由客人開始做前戲，用手輕撫其雙峰，遠野聲稱呢個步驟可以令佢嘅靈感增強。前戲過後，遠野就會吩咐客人瞓落地，而遠野則從上而下移船就磡，快慢有序咁使出熟練嘅騎功以加強感應。完事之後，遠野就會向為客人解答所有想知嘅事情，同時要求20,000日圓嘅奉獻。然而，有一點亦令人覺得存有危機嘅係，遠野聲稱呢個階段唔可以有東西阻隔占算過程，過程絕對唔會做安全措施！諗落真係相當牙煙，不如去求簽，再搵解簽師傅指點好過喇！