珍姐抗癌再求助標靶藥費

「生命唔在乎長短,最緊要冇遺憾!」黃鳳珍自○七年發現患上第三期乳癌後,四年來在東方日報慈善基金協助下已先後接受連串治療對抗癌魔,病情亦一度好轉。惟珍姐去年證實癌症復發並進一步擴散,需每三星期進行一次標靶治療,面對龐大治療費,珍姐希望「醫得一次得一次」。

上有高堂、下有子女的珍姐五年前患上乳癌,首次發現即屬第三期,除接受乳房切除手術外,更耗盡畢生積蓄接受自費藥物。珍姐指進行六次治療後已變得山窮水盡,幸獲東方日報慈善基金即時撥款才不至斷藥,並在善長協助下先後籌得逾二十五萬元,讓珍姐繼續接受療程的同時,亦能以中藥控制病情。

求助人:林增炎
年齡:78
求助物品:雪櫃及熱水爐

心願看到子女成家立室

即使身患頑疾,但珍姐堅持「冇錢醫病」亦不靠綜援過活,多年來一家的經濟重擔便落在子女身上,「啲仔女唔係搵得多,但都會畀家用我同阿媽,佢哋咁生性,我真係冇遺憾!」珍姐指多年來不斷與癌魔作戰,心願便是希望看到子女成家立室,幸在善長施援下,終於等到女兒出閣之日。

伊利沙伯醫院發言人指出,病人自去年三月證實癌症進一步擴散,醫生建議接受每三星期一次、以二百四十毫克劑量的標靶藥物治療(Trastuzumab)控制癌細胞擴散速度,每針需費一萬零九百一十八元。發言人又說,有關標靶藥物治療需視乎病人用藥後的反應和藥物對心臟影響而定,暫未能訂定實際治療時間。

由於過去所籌善款已悉數用罄,但現時每月卻須逾萬元自費藥物控制癌細胞擴散,珍姐一直為未設期限的治療及巨額費用而擔心不已,亦恐怕一旦斷藥病情會急轉直下,希望善長能伸出援手,並對善長慷慨解囊致以衷心感激。

捐款編號:11395

愛心回應

「真係好多謝東方日報慈善基金同咁多善長送熱水爐同雪櫃畀我,依家真係安樂晒!」獨居長者林增炎因經濟所限,一直未能添置熱水爐及雪櫃,隨年紀愈大加上行動不便,洗澡煮飯頓成苦差。

林伯左腳早前煲水時燙傷,擔心無力照顧自己,經本報報道後,旋即獲善長慷慨解囊,熱水爐及雪櫃亦於早前送抵林伯家中。

「以前驚煲水三日先沖一次涼,依家終於可以日日沖,血氣流通咗,人都健康啲!」林伯更笑指有了雪櫃便毋須每日外出買菜,更不用再擔心餸菜變壞,終可再次一嘗昔日最愛吃的梅菜扣肉。

記者:林綺淇