將軍澳爆反價封潮

代理表示，目前業主心態是「有盤唔憂賣」，成交量減少但樓價勢續創新高。

綜合區內多家代理行意見顯示，靠近66C2區地盤，即港鐵將軍澳站及調景嶺站附近的放盤業主最「有恃無恐」，除了因為上述地皮樓面呎價創將軍澳新高外，也因為有發展商醞釀在該處推新盤，業主憧憬樓價可以跳升。

維景一晚嗌貴50萬

區內維景灣畔3期17座一個中層F室，中原朱錫銘稱，面積711方呎，業主得知毗鄰都會駅有天價成交後，即晚將放盤價由600萬元加價50萬元，至650萬元放盤，加幅達到8.3%，每方呎叫價更逾9,000元水平。此外，同屋苑10座一個面積670餘方呎兩房戶，業主趁勢勁加價25萬元，至600萬元，每方呎叫價亦逼近9,000元水平。

東港城三成業主封盤

另都會駅3座一個中層E室，面積657方呎，業主叫價亦由480萬元一舉跳升20萬至500萬元。

代理又稱，調景嶺站屋苑，昨日睇樓量大跌兩至三成，中原盧偉滈稱，原因是業主普遍提價5至8%，另不少業主亦選擇封盤，令無盤可睇情況更嚴重。

至於坑口站附近的屋苑亦陷入瘋狂。香港置業黎少敏稱，東港城近日就有近30%業主封盤，盤源稀少，樓價漸漸被「挾高」；過去一周該屋苑錄得3宗成交，當中7座一個極高層G室，面積595方呎，售465萬元，折合呎價約7,815元，創屋苑標準單位呎價新高。

不過，尚未發展成熟的康城站日出康城，則成為近日區內睇樓的熱點。

康城三盤睇樓飆倍半

美聯馬立成稱，日出康城三個已入伙屋苑，昨日睇樓量按周大升1.5倍，原因是日出康城的首都、領都和領峯，是目前將軍澳區內，少有平均呎價仍維持5,000至6,000餘元的新進屋苑，故令不少買家都轉移目標。不過，目前三個屋苑的盤源開始減少，「鎖匙盤」更僅餘9個，預計呎價不久亦會衝上至7,000餘元水平。

另方面，綜合代理數據，全港30大二手屋苑昨日共錄得10宗成交，而睇樓量則與前周相若，唯獨九龍區的睇樓量普遍按周上升兩成，而茶果嶺麗港城的睇樓量勁升數倍。

代理稱，該屋苑相對將軍澳及其他九龍區大型屋苑，樓價漸呈「低水」，故吸引睇樓客搵貨。