阿芬乳癌復發 亟待施援

「兩個仔仲細,好驚自己有事就冇人照顧到佢哋!」四十二歲的田麗芬九年前罹患乳癌,雖曾努力擊退癌魔,未料去年癌魔再度來襲,癌細胞更擴散至肺部及盆骨,須以自費標靶藥治療。阿芬因難以負擔高昂醫藥費而大感徬徨,東方日報慈善基金了解情況後,即時從「醫療專戶」撥款一萬零六百八十元以支付首次療程費用,讓阿芬可及時獲得治療,惟未來藥費則有賴善長施援。

阿芬○三年證實患上乳癌,「知道癌症復發嗰陣,成個人呆咗,唔記得自己係點樣撐返屋企!」經過多年苦戰,終在○九年停止服藥,以為從此擺脫癌魔,未料去年五月癌症又告復發,「嗰陣喉嚨痛同咳,醫生話係肺積水,諗住吊鹽水就冇事,後來先知癌細胞擴散咗去肺部!」幸得丈夫與兩名兒子支持,堅強的阿芬未被擊倒,決定繼續接受治療,可惜自費標靶藥藥費高昂,「一支藥要萬幾蚊,依家我先生又冇做嘢,完全冇晒辦法!」朱先生本來任職地盤散工,收入微薄,至妻子證實癌症復發後才辭去工作,專心照顧妻子,遂申領綜援維生。

盼身體好轉 為愛兒下廚

「做完化療手腳會麻痹,就算停咗藥幾年,依家手指仲會痹,今朝先打爛咗隻杯!」阿芬指化療副作用令起居生活出現困難,需丈夫從旁協助,並為妻子按摩捶骨以減輕麻痹徵狀。抗癌路縱荊棘滿途,但有家人支持則恍如注入強心針,尤其阿芬對兩名分別就讀中二及小五的兒子最為疼愛,直言一俟身體好轉,將會再親自下廚為兒子做飯,「兩個仔都好鍾意食我煮嘅餸,成日笑爸爸煮飯唔好食,我仲希望可以睇住佢哋大個,健健康康成長!」

屯門醫院證實,病人患有乳腺癌,去年六月份接受處方化療藥物及標靶藥「曲妥珠單抗」,獲良好藥療反應,現正接受每三星期的周期性注射針藥(Herceptin)治療,每次療程藥費為一萬零七百港元,估計需要不少於十八周期的處方。

捐款編號:12218

記者:陳倩儀

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報