PS3早喺2008年4月推出嘅人氣電玩《戰場女武神》，當中有唔少深受宅男喜愛嘅女角色，尤其係女主角里艾菈‧瑪爾榭利斯，所以模型長出長有，而最新一款模型更令好多人眼前一亮，事關佢以比堅尼造型登場，性感度爆晒燈！話時話，喺原作入面，里艾菈雖然有一對爆乳，但極少以性感衣着示人，模型廠深明大家嘅期待，所以特別為佢度身訂造一套性感泳衣，令胸前兩團肉球呼之欲出，配合埋一雙修長美腿，睇落更為養眼，加埋佢手上抱住大大個沙灘波，好有夏日氣息呢！