好多人話人生似一場賽跑，早啲起步，可以佔得先機，成功機會都會大啲，但呢個講法受到唔少質疑，畢竟呢個世界有太多大器晚成嘅例子。就以模特兒界為例，一般人都會覺得愈後生愈着數，若然25歲先嚟出道，肯定唔夠啲後生女鬥，但韓國人氣模特兒李真英就覺得年紀唔係一個問題，仲用自己嘅經驗證明畀大家睇！
喺首爾出生嘅李真英，25歲先決定加入模特兒行列，但憑住迷人嘅樣貌、激凸嘅身材，同埋一對修長嘅美腿，成功喺短短一年間冒起。佢話，年紀大啲，反而有種成熟嘅魅力，能夠吸引到攝影師嘅鏡頭。家陣，佢除咗係硬照模特兒，仲踩埋入賽車女郎界，更先後成為多支車隊嘅專屬賽車女郎添。