呢單嘢真係好奇情,好似漫畫情節咁令人意外!話說呢位男網民稱有位從5歲開始認識嘅青梅竹馬女性朋友,早前疫情未咁嚴峻時,相約對方去海灘游水,結果令佢有意外驚喜。佢話:「以前讀書時約佢去游水,佢總係唔去,以為佢唔鍾意。早排見天氣熱,我一支公冇節目,就問佢有冇興趣同我去海灘,點知佢竟然答應。原本佢着T恤短褲,去到海灘就突然換咗套三點式泳衣,我睇到呆咗,原來佢個胸勁大!問佢幾時升咗Cup?佢話初中時已經發育,因為胸部太大覺得尷尬,先至唔去游水,衣着亦會好密實,後嚟去咗外國做嘢,發覺班女同事個個大波又唔介意着得性感,先至打開心理屏障。嗰日我勁尷尬,望住佢又不期然𥄫佢個胸,又怕自己有生理反應,最大鑊係當晚我竟然夢到佢!我明白唔應該憑身材去鍾意一個人,更何況我哋係由細玩到大嘅老友,我應唔應該追佢呢?」