女上司經常主動傳短訊同自拍照畀男下屬，作為男下屬嘅女友會唔會起疑心呢？呢位女網民就有咁嘅經驗，佢話：「發現男友晚晚都同佢嘅女上司WhatsApp，對方仲會Send自拍照，連買咗件新睡袍都同我男友分享。男友解釋話為免得罪女上司，唔多唔少都要應酬吓佢，又話一定唔會心動，但係見到佢每次睇Whatsapp都會陰陰嘴笑，話佢哋冇嘢真係唔信囉！個女上司年約40歲，大我男友6年，樣貌同身材算Keep得唔錯。但我真係唔明，佢明知我哋拍緊拖，做乜要叉隻腳埋嚟，最(慶)係早幾晚竟然Send張內衣照過嚟，仲問我男友靚唔靚添！我點解會知？咪就係偷睇男友部手機囉！激死我啦！大家話個女上司係咪有蠱惑先？