自從異世界呢個題材成為日本ACGN界嘅主流題材之後，幾乎乜嘢橋段都玩過晒。不過，日本十八禁遊戲開發商Fluorite每次出新作，都令人好期待，皆因佢哋總係會為作品加入特別嘅元素，就好似9月底推出嘅《DiGination Collection Sorceress＊Alive！~the World's End Fallen Star~》，就加入咗廢物男主角，連同華麗戰鬥、火辣情慾場面炒埋一碟，聽到都覺得精彩！
新作嘅故事講述平凡男生折見公輝喺某日見到一道強光閃過，隨即被召喚到一處叫做「未知大陸」嘅地方，兼且莫名其妙地成為「浮空學院」嘅一員。作為被魔法異世界召喚嘅人類，公輝以為自己一定會成為魔法使，點知實情係佢一啲法力都冇，卻有魅力非凡同性能力超群嘅特殊本事！不論係火爆女劍士、內向魔女、爽朗劍客、呆萌大地守護者，抑或巨乳鐮刀手，一一被佢「征服」！呢種艷福，真係令好多男士恨得牙癢癢呢！