講起地雷，第一時間諗起槍林彈雨嘅戰場，一個唔好彩誤中，分分鐘被炸到粉身碎骨，所以好多人都將社會上出現嘅各種陷阱比喻為「地雷」。不過，近排日本街頭多咗唔少「地雷」出現，即以「地雷妝」示人嘅美女，就連人稱最強GAL系美人嘅木村有希都玩埋一份！
最近，紅極一時嘅日本混血女星Leah Dizon，喺社交網上載咗一批靚相，搞到網民議論紛紛，大讚呢位一女之母有幾咁索！其實呢排仲有一位混血女星嘅人氣暴升，佢就係木村有希喇！現年23歲嘅有希，面圓圓，五官標致，氣質精靈，佢爸爸係日本人，媽媽就係菲律賓同西班牙嘅混血兒，所以靚得嚟有啲鬼鬼哋，更有最強GAL系美人之稱。身材方面，有希睇落好健美，一身古銅色肌膚，好有陽光氣息。雖然上圍唔算好「澎湃」，目測最多只有C奶，但就有個美巨尻，愛股之人應該幾鍾意欣賞。
回顧番有希嘅成名之路，可追溯至2012年，當時佢成為時尚雜誌《egg》嘅模特兒，漸漸為人熟悉，及至2017年亮相電視節目《The Bachelor Japan》，正式喺演藝圈活躍起嚟，之後仲殺入寫真界。由於有希嘅樣子吸引、風韻獨特，身材亦相當吸引，所以喺短短兩年之內火速推出咗兩本寫真集，成績相當唔錯！除此之外，有希開設咗自己嘅視頻，表現仲好親民，不時以素顏上陣，再慢慢教大家各種化妝技巧。最近有希做咗一次令人拍爛手掌嘅化妝示範，就係食住近期潮流，喺大家面前化身「地雷女」，個個見到都大讚可愛又靚女呢！
女為悅己者容！為咗冧粉絲，木村有希經常會喺社交網Po靚相，仲會分享自己嘅化妝心得，究竟一個靚女如何變得更靚？Click入去睇吓咪知囉！
網址：https://twitter.com/poyo_ngy
年齡：23歲
身高：5呎2吋
三圍：31-24-36
撰文：賢