疫情之下，外國有好多人已按捺不住，有人為收入大減而發愁，又有人以電話性愛嚟解悶，更加有人喺屋企玩Cosplay呃Like！喺德國就有一位巨乳女Coser，唔單止擁有火辣身段，啲服裝仲好性感，露肉度超高，男士們得閒開佢嘅Twitter睇一睇，士氣當堂為之一振。
講起性感女Coser，好多人都會第一時間諗起日本妹，但其實外國都有索女鍾意玩Cosplay，來自德國嘅Pia就係好例子。阿妹本嚟任職時裝設計助理，擁有製作服裝嘅技術，因為設計過唔少Cosplay服裝，漸漸對Cosplay產生興趣。2006年，Pia正式加入埋Cosplay行列，計起條數，都有番咁上下資歷，齋睇樣，真係估唔到！憑住迷人嘅樣貌、玲瓏浮凸嘅身材，同埋超高露肉度嘅Cosplay服裝，阿妹喺網上累積咗超高人氣，喺2018年6月先至開Twitter嘅佢，已經有超過29萬個追隨者，認真犀利！喺疫情下打開佢嘅Twitter望望，絕對有振奮士氣嘅作用。
話說英國抗疫期間，情侶唔可以約會，但又有性慾喎，咁點算好呢？電話性愛（Phone Sex）呢個熱潮就喺咁嘅情況下捲土重來。可能有人會話電話性愛唔係一直都有咩？係嘅，但電話都進化成家陣嘅智能電話，即係可以視頻，玩法係咪過癮咗先？根據英國交易網絡Vivastreet進行嘅調查發現，相對疫情爆發前，電話性愛玩家平均增加了23%，以貝爾法斯特嘅增幅最勁，達54%，其次係謝菲爾德，增加咗52%，之後係利物浦、卡迪夫同劍橋，惟獨愛丁堡係不升反跌。性學家Carol Queen認為，電話係個相當方便嘅工具，可讓分隔兩地嘅人能夠進行互動，但佢又相信疫情過後，電話性愛會慢慢減少。
疫情期間，日本唔少經濟活動受嚴重打擊，而喺東京搵食嘅風俗孃都話頂唔順。日本有媒體早前訪問咗一位喺東京某連鎖泡泡浴店工作咗4年嘅風俗孃，佢稱幾乎所有連鎖店都冇乜客人上門，有啲風俗店試過一個星期零客人，索性關門。佢話喺去年12月，單單一個月已有200萬日圓收入，現時只得15萬。對於特意到東京搵食嘅風俗孃嚟講，唔少人有龐大債務，咁嘅情況下，只能一日一個杯麵度日，情況相當坎坷。事實上，據日本專門提供風俗孃免費法律諮詢嘅非牟利組織「風露台」（風テラス）表示，去年2月至5月期間嘅諮詢只得296人，今年同期就有1,239人，足證情況相當嚴峻。除咗風俗孃受影響，風俗店工作人員同樣收入大減，有唔少人更轉行去洗車添。
撰文：魂