如果發現女友收埋幾支震棒，作為男人會有乜嘢反應？興奮定嬲嬲豬？早前有位男網民就有咁嘅遭遇：「是咁的，因為要換季，需要執番好啲衫，又因為我哋同居咗兩個幾月，啲衫亂晒籠一直冇執，於是我趁放假將所有冬季同夏季嘅衫整理一次，喺騰空衣櫃嗰陣，畀我發現有個拉鏈袋，裏面竟然裝咗四支震棒……當然，我嘅焦點梗係攞嗰支像真度幾高嘅震棒嚟度啦，同自己嗰支比較吓，好彩Size都差唔多，我仲聞吓佢哋添。嗱！唔好話我變態，我覺得係人之常情嚟。不過，唔知點解諗諗吓，啲慾火就嚟，好想即刻同女友玩吓呢啲棒棒，但又驚畀佢話我摷佢啲私隱，唔知各位巴打有乜好提議，等我可以明正言順同佢玩呢？」
中文點講：唓，方法好簡單，你送一支畀佢咪得囉。除非嗰四支棒棒唔係佢(口架)啦，否則佢一定會歡迎你咁玩喎。你唔係連買支震棒嘅錢都唔願出呀？
小空：你咪趁食飯時問佢想唔想試吓玩情趣玩具囉，佢想嘅話咪即刻玩，唔想嘅話咪氹佢玩震棒。話晒佢都玩過，你又扮晒好有興趣咁，佢應該會應承你嘅。
Giggi：使乜諗方法吖，直接同佢講，話見到佢嗰幾支棒棒後，覺得超興奮，超想玩，咁佢如果係愛你嘅話，梗係會冇問題嘅。如果嬲咗？咁咪叫佢用支棒棒嚟玩番你囉。
Sandy：其實今時今日，女人有支震棒有幾咁奇呀？我班朋友個個都有幾支，仲唔介意喺老公或男友面前玩添。你直接問佢可唔可以一齊玩啦，咪兜圈呀，女人最唔鍾意男人咁樣。