韓國模特兒界一向多索女，被標籤為性感女神嘅例子亦有唔少，但要數到人氣超高，不得不提鄭宥娜。呢位有前有後嘅索女，現年24歲，最初只係一位內衣模特兒，但由於有着優厚天賦，加上有魅力非凡嘅內衣襯托，令好多男士難以抗拒，人氣亦隨之飆升。不過，佢之所以人氣大爆發，係因為喺一次偶然機會下，出席咗韓國一個綜藝電視節目，並且以性感造型登場，即時引嚟大家嘅目光，自此之後，佢就頻頻以模特兒身份喺男士及時尚雜誌亮相。為咗盡谷人氣，佢仲開始經營自家IG，喺短時間內積累咗超過50萬名追隨者。現時活躍喺網絡同模特兒界嘅佢，唔知下一步會喺邊度展現自己嘅魅力呢？