日本寫真女優好多都主打可愛童顏，同時兼具一對巨乳，極之吸引！當中有咁多童顏巨乳嘅選擇，要欣賞就梗係從中挑選一個狀態好又質素優秀嘅女優啦，而天木純絕對係其中一個！
江山代有人才出，歷來日本寫真界都不乏帶標誌性嘅童顏巨乳女神，酒井若子之後就輪到篠崎愛，喺篠崎愛掛住勇闖歌壇而放棄寫真界嘅時候，接班人相繼湧現，當中最出色最當紅嘅就一定係天木純喇！
24歲嘅天木純天生一副娃娃臉夠晒天真可愛，氣質純潔溫馴，但係阿妹就完全唔會表情木獨，因為佢活潑好動，表情多多，笑起上嚟更令人如沐春風，精神為之一振呀！而佢嘅身材就更加有代表性，雖然生得細粒，但係胴體極之激凸，胸前嘅豪乳有37吋I Cup咁大，又嫩又白外形又靚，就算遮住個樣淨係展露咪咪，大家都一樣會認得出係天木純呀！
喺加入寫真女優行列之前，天木純亦大賣身材吸引觀眾，因為當時佢係地下樂團「仮面女子」嘅成員之一，而每一位成員都係樣靚身材正嘅少女，佢哋演出時有兩個特點，其一係戴住面具演出，其次就係以極度性感嘅打扮又唱又跳，憑住性感火辣嘅表演而火速成名。當成員全數脫下面具之後，天木純彈起得最快，無他嘅，因為佢係當中最大波嘅成員。後來佢轉投寫真界發展，一躍成為童顏巨乳新任掌門，仲成功殺入藝能界，前年喺電影《愛情蛙跳跳》更擔正做女主角添！
近期天木純依然人氣強勁，除咗經常喺電視節目亮相，仲因為佢喺社交網連番上載勁舞片段，由於身材勁爆，舞動身體時胸部猛烈跳動，非常吸睛，瞬間吸納到十幾萬個觀看次數，令人氣又再提升！
簡介：天木純好鍾意表現自我，拍完性感照就會上載到社交網，而近期佢就好鍾意自拍勁舞片，想睇佢跳舞跳到巨乳蕩漾，梗係要Click入去睇睇喇！
網址：https://twitter.com/jun_amaki
年齡：24歲
身高：4呎10吋
三圍：37I-24-33
撰文：賢