女士們去緊廁所嗰陣忽然有人唔小心衝咗入嚟，你會有乜嘢反應？呢位女網友就發生咗件尷尬事，佢話：「前晚幾個同事上嚟我屋企打機，大家唔使擔心，我哋全部都有戴口罩。打機期間，我去洗手間，咁我一個人住，習慣唔閂廁所門，點知突然有男同事打開門，佢見到我呆咗兩秒後先講對唔住，然後閂門。我心諗大鑊啦，佢會唔會睇到晒呢？不過我個心卻又有啲興奮，因為我對呢個男同事有啲好感。去完廁所繼續打機，我同佢當冇事發生過。之後佢WhatsApp我，話想請我食飯道歉，我問佢睇到啲乜，佢話冇特登睇，佢係個唔識講大話嘅人，咁即係睇到晒啦！嗰刻我竟然覺得好興奮，我係咪好變態呢？我應承咗佢，但出嚟食飯時，我點面對佢好呢？」