雖然大家都會覺得自己好醒目，但好多時一不小心就會墮入騙局，就好似上網溝女咁，單睇對方張相分分鐘會中招，因為好可能經過P圖，真係豬扒都變貂蟬！而日本寫真界新貴清瀬汐希早前就係因為過分P圖，被批評真人同寫真照判若兩人，最後要喺節目中向觀眾道歉！
有人話上天係公平嘅，好多女仔生得高挑又纖巧，但係就有一個缺點，胸前平平無奇！而日本寫真界就話畀大家知，事實並非如此，上天依然係唔公平，好似染谷有香、片山萌美咁，生得靚女好波又高挑，而今日同大家見面嘅清瀬汐希，其身材絕對能夠與兩位前輩匹敵。
今年22歲嘅清瀬汐希身高5呎7吋，比起生得細細粒嘅寫真妹高出一個頭。汐希高得嚟身材豐滿婀娜，上圍擁有一對純天然G奶，而且彈力十足，外形圓潤飽滿，絕對係巨乳中嘅極品！至於汐希嘅樣子一樣成為話題，因為好多人都發現佢真人同寫真照簡直係判若兩人，點解真人個樣醜咁多呢？
汐希喺讀中學嘅時候已經展開藝能事業，因為要兼顧學業同演出，結果捱壞咗身子，惟有退出藝能界好好休養。不過汐希一直都冇放棄成為明星偶像嘅夢想，上年佢見到有藝能事務所招募女優，於是就去參加面試，結果成功獲得取錄，並且憑住驕人身段投身寫真界，然後再搵機會跳入電視圈。
成為寫真女優之後，汐希嘅人氣漸漸上升，同時成為寫真女優團體「sherbet」嘅成員，同知名女優犬童美乃梨、青山光、橋本梨菜等做隊友。然而，汐希復出之路都唔係話十分順利，早前就被人話佢真人比寫真照個樣醜好多，其實佢都心知肚明，所以喺電視節目《有吉反省會》中下跪道歉，求大家原諒其寫真照係經過「P圖」。汐希如此勇於承擔過失梗係值得支持，大家就原諒佢啦！
簡介：清瀬汐希經常會將出席攝影會嘅花絮照片上載到社交網，大家Click上去就可以欣賞到阿妹副高挑巨乳靚偈喇！
網址：https://twitter.com/yuki_kiyose
年齡：22歲
身高：5呎7吋
三圍：36G-25-34
撰文：賢