女士要流露性感，衣着唔一定要開胸又露背，只要有身材兼有索樣，着乜嘢衫都會既吸睛又養眼。唔信嘅話只要睇吓日本嘅Cosplayer同埋寫真女優，就會明白箇中嘅着衫之道啦！
俗語話「人靠衣裝」，但原來倒轉嚟講「衣裝靠人」亦冇問題，皆因早前有位日本性感Cosplayer着咗件針織保暖衫影相擺上網，結果憑性感魔力令件衫變成人氣服裝。呢位網名「Neru Neru Nerun」（ねるねるねるん）嘅索女，同時以「鈴音Nerun」（鈴音ねるん）之名活躍於日本Cosplay界。個樣萌味十足又好身材，兼且唔介意玩性感，經常喺網上分享福利照。佢早前就着咗件喺日本Uniqlo嘅連身包臀高領針織毛衣，影咗兩張性感相。點知張相一放上網，就成為日本網絡熱話，皆因件衫露出佢圓渾嘅美股，加上佢超萌嘅樣貌，即時引嚟大量嘅網民回應，就連佢自己亦話估唔到大家嘅反應咁熱烈喎。不過其實呢位人氣Cosplayer不嬲都有性感演出，到底今次係有心定無意，真係見仁見智喇。
「禾稈冚珍珠」用喺女士身上嘅話，意思即係話平時密密實實，估唔到身材咁有料。日本早前就有位叫「羊肉湯」（羊肉るとん）嘅網民，喺Twitter上載咗兩張相，並留言稱「脫了（衣服）的話意外地有着火辣身體的宅女」（脱いだら意外とエロい身体をしていた女オタク），網民一睇個個都話正！相中冇露面嘅女士着起格仔衫同T恤時，心口絕對係平平無奇，但當佢除咗上衣後，激凸嘅上圍充分演繹禾稈冚珍珠嘅真諦，只係呢位相中人究竟係邊個嚟呢？原來正係人氣寫真女優美東澪。神奈川縣出生而身高161厘米嘅佢，身材真係唔差，33E、23、33嘅三圍數字名副其實係玲瓏浮凸，之但係點解着咗件格仔衫連T恤就變平平無奇呢？皆因佢身形極薄身兼瘦削，着咗鬆身啲嘅衫後咪有咁嘅錯覺囉。
電動牙刷除咗用嚟刷牙，仲有乜嘢用途呢？嗱，諗還諗，有醫生指出千祈唔好用嚟自娛。據英國婦科醫生Anne Henderson稱，由於之前有研究發現，震動式情趣玩具可以畀到女士長達4秒嘅高潮，因此發現有唔少女士貪方便，用具有震動功能嘅電動牙刷嚟自娛，卻忽略咗當中嘅危險性。佢表示不論係乜嘢外形同刷頭質料嘅電動牙刷，其實都會對私處帶嚟相當危險性，更有可能因高速震動產生嘅摩擦，令陰蒂呢個脆弱部位受傷。此外，佢又表示由於刷頭嘅設計複雜，令細菌好易孳生，從而衍生出衞生問題，當緊貼私人部位使用，感染嘅風險相當高。其實早前英國坊間曾流傳，牙膏具有收緊陰道嘅作用，當時已有唔少婦科專家澄清呢個只係謠言，反而可能令蜜洞出現感染情況。
撰文：魂