胳肋底毛曾幾何時係女性性感嘅象徵，但係隨住審美觀同禮儀嘅變化，大部分人都認為有礙觀瞻。不過呢位女網民卻因為呢件事變得超煩惱，佢話：「其實我曾經脫過胳肋底毛，因為當年學游水啲女同學同我講，啲毛毛唔好睇，於是我就脫咗佢。不過脫咗之後，我覺得唔舒服，尤其係當毛毛生番少少出嚟時會覺得痕癢又拮肉，所以我就再冇脫過。及至識咗依家呢個男友，佢見到我有胳肋底毛覺得好肉酸，要求我脫咗佢。最討厭係有次完事後，佢話啲毛毛好肉酸，如果畀佢啲Friend睇到實笑到佢面黃。我覺得點解要脫毛呢？脫唔脫毛係我嘅自由，而前度男友都覺得好性感，唔通我真係要為咗討好佢而去脫咩？換個角度睇，唔通我鍾意男仔冇眉毛，佢就要剃晒佢呀！」