鬥爭無時無刻都會出現，就算一個人未踏入社會，喺屋企入面就已經需要面對，除咗夫妻間嘅爭鬥，亦有兄弟姊妹間嘅鬥爭。最近有「最強美Body」之稱嘅上西惠就不讓妹妹搶盡風頭，實行再次展露「豐球」喇！
日本寫真界中有好多女優份屬親生姊妹，佢哋氣質雖然有相似之處，但因為年齡有差別，所以又能夠帶給觀眾別具刺激感嘅雙層視覺享受，例如「山中姊妹」山中知惠以及山中真由美、「柳姊妹」柳彩花以及柳優里菜，仲有同屬NMB成員嘅「上西姊妹」上西惠同上西怜，而最近家姐上西惠終於決定回歸拍寫真喇！
今年24歲嘅上西惠樣子標致，相對於妹妹上西怜，氣質顯得成熟又溫柔，休息咗一段日子之後喺寫真演出中，呢份姊系感覺更加強烈，亦更加誘人。當然唔可以忽略「最強美Body」之稱嘅身材，婀娜曼妙，曲線玲瓏、有前有後之餘，仲散發出一股獨有嘅騷味，令男人嘅眼球不自覺咁喺佢身上游走。
上西惠喺15歲嘅時候參加美少女團體NMB48第一屆選拔活動，由於當時佢已經長得亭亭玉立又活潑好動，表演才能有番咁上下，令佢成功從7,256名參賽者當中，成功脫穎而出。上西惠以NMB48成員身份活躍舞台，直到2017年從團隊畢業離開。而奇怪嘅係，大部分團體成員喺畢業之前，都已經決定好往後嘅發展路線，一係做演員，一係就做歌手，又或者去拍AV，但係上西惠畢業之後冇工作，休息兩年後，至今年5月才復出參演舞台劇。
提到舞台劇，上西惠喺明年2月亦會有重要演出，就係為初次改編自漫畫《甜心戰士》嘅舞台劇擔任女主角喇！另外，阿妹近期亦增加拍攝水着寫真嘅工作，將曾經迷盡萬千粉絲嘅「最強美Body」再次展露。好多人都表示，上西惠咁做，極有可能係見到妹妹上西怜近期投寫真界之後極速上位，所以唔想被妹妹比下去而積極拍寫真，希望同妹妹鬥性感。
簡介：從上西惠嘅社交網中，可以見到佢分享咗好多拍攝寫真以及排練舞台劇時嘅花絮，亦可以見到佢同妹妹上西怜嘅照片，讓大家更了解佢嘅工作同生活狀況。
網址：https://twitter.com/jonishi3?lang=ja
年齡：24歲
身高：5呎
三圍：34F-23-33
撰文：賢