呢個世界係咪真係有靈異事件呢？呢位男網民稱經常聽到樓上傳嚟斷斷續續嘅呻吟聲，一直懷疑樓上係咪變態，有日佢意外發現事情原來唔係咁簡單，佢話：「我住喺29樓，頂樓喺30樓，今年3月搬入去住，從嗰時開始每晚都聽到隱隱約約嘅呻吟聲，憑我多年睇AV片嘅經驗話我知，呢套係日本AV嚟。之但係佢真係好細聲，細到如果有雀仔叫都會蓋過啲聲音，聽唔到嗰隻，否則我投訴咗佢好耐啦！慢慢我就習慣咗，而且會諗樓上嗰個住戶係男人定女人，係咪同我一樣單身呢？早幾日，我同樓下嘅看更傾開，話30樓有人成日播AV片，點知佢面色一沉，話我樓上嗰個單位冇人住，我心諗：『唔係咁猛呀！』跟住個看更就陰陰嘴笑話，其實係佢喺天台偷偷睇AV片，下次細聲啲咁話！」