為慶祝公司成立5周年，喺超過60個國家有售，至今已多達300萬男女選購，主打女性情趣用品嘅Womanizer最近推出最受歡迎型號Womanizer Liberty高潮神器限量版，有乜咁特別？包裝、大小及功能同普通版完全一樣，純粹係個殼換咗白色，價錢又冇話特別貴，只不過係玩限量，當然大家都知係宣傳手法啫！
至於玩起上嚟係咪特別High呢？首先細佬未試過，更加冇機會試，想知可以上網睇網民開箱。可能有人會問下次係咪推出黑色限量版呢？答唔到你！不過細佬唔係想幫佢宣傳，係因為呢間公司喺5年前成立之初，為令產品更女性化、更尊貴、更多人注意，將Swarovski水晶鑲喺產品上，機殼又桃紅又姣婆紫，仲有紋豹玫瑰圖案，真係靚到當飾物擺設都得o架！咁依家推出白色係咪算反璞歸真呢？