男人做嘢唔單止要靠腰力靠腳力，仲要講求堅實好力嘅臀肌力！嗱，後面嘅臀肌力唔係亂吹，而係日本AV天王清水健喺佢嘅著作《AV男優SHIMIKEN教你廁式深蹲》中講嘅。健哥喺AV界無人不識，最勁嘅演出係千人斬AV女優，能夠支撐佢足以媲美聖鬥士嘅床上戰鬥力，佢就話係同天賦無關，而係透過鍛煉運動而練出嚟嘅超卓體魄。
佢喺書中稱發現唔少男士喺退休後諗住過美滿性生活，卻因為長期缺乏鍛煉已難喚回雄風，因此佢就憑住自身經驗，教男士們點樣每日透過廁式深蹲嚟鍛煉下半身。不過咁樣仲未夠，因為床上勇悍仲要身體其他肌肉配合，所以健哥更將整套訓練心肺機能，以及增強下半身肌肉量嘅方法傳授畀大家，從而令身體回春之餘，仲可以令雄風返晒嚟！
書名：《AV男優SHIMIKEN教你廁式深蹲》
售價：約HK$80